نكت مصرية
بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية
انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكا
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى
مرة واحد زعلان مع مراته كتب لها ورقة مكتوب فيها صحينى الساعة 6 الصبح قام الساعة 11 لقا ورقة مكتوب عليها اوم اصحا الساعة 6
مره وحدة روحت على بتها متاخر قال لها زوجها :انتى كنتى فين يا مدام ؟؟؟ قالت :لا مهوا ... اصلو ... كان فى واحد بيعكسنى قال لها :هو بيعكسك انتى اتاخرتى ليه ؟؟؟؟ قالت :اصله كان ماشى على مهله ....!
مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم
مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي
مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها
مره واحد بلديتنا بعت لمراته جواب كاتب فيه 6 حروف ح فمراته قالت للبوسطجي "اقرا لي الجواب" فقال لها اللى فيه قالت "بس انا فهمت" قال لها البوسطجي "فهمتي ايه" قالت له "حضرة حرم حج حمدان حضروا لة حمار"
واحد راح المترو قطع ثلاث تزاكر قابلة واحد قالة انت قاطع ثلاث تزاكر لية قالة عشان لو ضاعت الاولى يبقى ماعاية التانية قالو لو ضاعت التانية قالة معايا التالتة قالة لو ضاعت التالتة قالو ما تخفش معايا اشتراك
مره دكتور راح مستشفي المجانين علشان يكشف عليهم فرسم لهم باب علي الحائط و قال لهم "افتحوه" فراحوا يفتحوه ما عدا واحد، افتكر أنه عقل و بقى كويس فساله "ليه ما فتحتش الباب" قاله "لأن المفتاح معايا !!؟؟"
واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه
مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه
مره واحد كسلان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر
مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح
واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى
واحدة قابلت جارتها قالتله بقالى مدة مشفتكيش كل سنة وانتى طيبة بمناسبة رمضان ايه خير انتى لسة لابسة اسود ليه قالتلها اسكوتى مش عمك كان نفسة فى الكتنافة اول يوم فى رمضان نزل يجيب قبل مايضرب المدفع ب 5 دقائق وهو ماشى راحت عربية خبطاه قالتلها وعملتى ايه قالتلها عملت قطايف
مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟
مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت
واحد غبى حب ينتحر من الدور العاشر مالقاش عمارة عشر ادوار رمى نفسه من الدور الخامس مرتين
اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة
مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو
مرة واحد راكب حمار فبيعدى على بنزينة لقا ايه لقا ان العربيات كل ما يتحطلها بنزين تطلع تجرى راح دخل البنزينة وقال للراجل حط للحمار عشرة لتر بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى بعيد قام الراجل قاله حطلى انا بقى عشرين عشان الحقه
مصري يترس سلندر غاز وشاف أمه ياية له قال لها : > >إدعيلي يامه قالت له : > >روح ربنا يفتحها بوشك ! >
سألوا صعيدي : مصر بتنتج حليب > >قال له : إمال إيه ! دي مصر كلها بهايم
صعيدي صاد مرته راقدة مع واحد قالوا له معاك الكاميرا الخفية > > قال : أخ خ خ خ دي رابع مرة تعملوها !!!
طبيب أطفال تزوج من طبيبة أطفال أعلنوا حفل زواجهم فى مجلة ميكي
فيه واحد صعيدي رمى خطيبته من فوق جبل وماتت قلها: اباي ماتتحملي مزح
مرة واحد صعيدى كبر دماغه ما عرفش يقلع الجلبية
صعيدي أتقفل على اصبعه الباب الباب ورم
صعيدى حب يعمل ليلة حمرة ولع فى الشقة النار
